حضرت رقيه(س)-گلچيني از اشعار مهدي سالك
…………………………………………………………………………………………………………………………………
گرچه سقف سيز يردي منزليم توپراق اوسته قيزلار ياتار بابا
سن كيمي قوناقه حرملري توزلي زلفیدن فرش آچار بابا
………………………………………………………………………………………………………….…………..
خسته ايليوب بسكه يوللارين نا ملا يما تي قو نا قيمي
گوزلرين قوناقيم آچانموري گوسترم يوزیمي اَيا قيمي
قبل از اينكه تشريح ايدم سنه محنت زمان فراقيمي
گرد راهي زلفومله قوي سيليم ايسلادوب سرشگيم يووار بابا
……………………………………………………………………………………………………………………………..
بير دقيقه دامان وصلیوي ويرسه لر جهاني ، بوراخمارام
قانلي لبلرون چوخ اُپوم گرك بيله فرصتي بيرده تاپمارام
عمریمون گُلي آز قالور سولا صبحه تك بابا زنده قالمارام
بسدي اوچ بهار عمریده منه غنچه صدمه گورسه سولار بابا
……………………………………………………………………………………………………………………………..
قارداشيم علي اصغرين يانوب نار فرقتینده آنام رباب
هارداگوردي اوچ شعبه لي بيراوخ يا كه صود امن آهو يا كه آب
واي اوغول ديوب سيل تك توكوب عارضه آنام گوزدن اشك ناب
قلبي قان اولوب هر زمان گوروب بير اوشاق آچوب دل قاچار بابا
……………………………………………………………………………………………..………
فكر غارتيلن قوشون بابا اوندا كه شروع ايتدي يورشي
معجراوسته قمچي ورانلارين اولدي بي ثمر سعي و كوششي
ايمدي وار ولي تازيانه نون زخمينين وجوديمده سوزشي
بو بلالي باشيمده ايمديده اول زمانيدن آغري وار بابا
آتلارين دوشونده اوشاقلاري گه سولا قاچوردوبلا گه ساقا
بعضي سي قاچاندا يخيلديلار دگدي چوخلي قمچي قولا باشا
آز قالوبدي غارتده قيزلارين چوخلاريني آتلار اَياقليا
باغبان اُله گُلشنين يقين گُللرين خزان سولدورار بابا
……………………………………..…………………………………………………………..
چوخلي رنج و زحمت چكوب قيزون عاقبت يتوب مدّعاسينه
گه دوزوب قيزون دل ياراسينه گه دوزوبدي زجرين جفاسينه
گه اُپوپ اَياقلاريمي تيكان سال نظر اَياقيم ياراسينه
مدّتي گيچوب رنج راهيدن وار هله اَياقدا قابار بابا
……………………………………….…………………………………………………………………………….
يول سوزي دله گَلدي قوي ديوم راه شامیده اولدي قان دليم
كيم بُلورنه چَكديم گورن كيمي ترك ايدوب مني طايفم ائليم
عمّمي چاغيرديم، گَلوبدي زجر قورخودان دوتولدي بابا دليم
ايمدي بو كسوك باشي گورجاقين شوكّ اولوب قيزون دل آچار بابا
…………………………………………………………………………………………………………………………………………….
راه شامیدن ايستسم ديَم واردي بو كيچيك دلده چوخ سوزوم
غم يتر سنون تك قوناقيمه دل سوزوني قوي گيزلديم دوزوم
من نقَدري پرده چكم سوزه آشكار ايدر نيلگون يوزوم
سن گوزیوي يوم باخما خونِ دل صورته گوزومدن آخار بابا
.............................................................................................................................................................
ظلم اهل شامات و كوفه دن لاله تك بابا باغريم اولدي قان
ناقه بي جهيز و كجاوه سيز قمچي اَلده بد خُلق ساربان
يوللارين فراز و نشيبي چوخ يول اوزاق، هوا ايستي، خسته جان
كوله باري بير موكبين اولا درد و غصه يورماز؟ يورار بابا
...............................................................................................................................................................
گوندوز آفتابين حرارتي شام وقتي شامين برودتي
يوخ خرابه نون سقفي حفظ ايده ايستي دن سويوخدان بو صورتي
مرتضی بابام عصرينون اولوب آشكار ايمدي كدورتي
شامين اهلي هر گون لباسيمي تازه رنگِ غملن بويار بابا
.................................................................................................................................................................
هر گئجه كه گوندوز اولوب بيزه يوز ويروبدي بير تازه ابتلا
دوزموشوق بو اميديلن گنه گون باتار يتر موسم دعا
آند اولا بابا زينب عمّه مه وار خرابه ده اوزگه بير صفا
هر باخيشدا زين العباد چون دللره صفا آرتورار بابا
.........................................................................................................................................................................................
من يوز ايلليق عاشق گيدن يولي بير گئجَمده طيّ ايلرم يقين
نقد جانيلن آلّام عاقبت بير گران بها گوهرِ ثمين
حالي ام اوزوم حال زاريدن ايليوب ياخندا اجل كمين
صبح اولونجاعمریم ستاره سي كوكب سحر تك باتار بابا
