خطبه امام سجاد (ع)-انور
خطبه امام سجاد (ع)- برگرفته از كتاب قيام حضرت زينب (س)-انور
....................................................
كرسي دينه جلوس ايتدي ستم پيشه يزيد
مست اولوب دوشدي غلط فكره يزيد
ريشه نوگل اسلامه وروب تيشه يزيد
ظالم اجدادي گيدن يولدان او ظالم گيتدي
روح تقواسي اولان شخصيلري خوار ايتدي
................................................
ايكي عاملدي بيري پول بيري روحاني نما
هر زمان متحدا ويرسه له تشكيل قوا
قاباقيندا بولارين كيم دورا ايلوله فنا
نجه خالص زريله كلك شريح بي دين
يخديلار مشتركا خاتم پيغمبر ايوين
.................................................
سارالان گللري ظلام سالوب پيچ و خمه
شام ويرانه سي ماوي اولوب اهل حرمه
قالديلار منزل مخروبه ده پيچيده غمه
سوزش درد مصيبتله اورك داغلاديلار
باش باشا ويرديله نوحه ديديلر آغلاديلار
...................................................
چوخدي سوز يازماقا يوخ فرصتيم اي اهل عزا
بير گيجه گوردي خانم عمه سيني زين العبا
اوتوروب نافله ليلي ايدور يرده ادا
ديدي سن كامله سن عالمه سن محرم راز
نيه اوتدوق يري بس ايليوسن عمه نماز
......................................................
خبر آلدون نيه مندن ديدي بو سري بالا
قويمادون قلبيده كي درديمي قلبيمده قالا
اوچ گونون آجليقي اوغلوم مني سالمش بو حالا
ويروم خورداجا قيزلاره غذا حصه مي من
ياتورام هيچ ديمورم بير كسه ئوز غصه مي من
......................................................
زينبون قيلدي سوزي حضرت سجاده اثر
آغلادي ايتدي جمال اللهي گوز ياشيله تر
ديدي اقدام موثر ايدرم عمه سحر
سن گرك قارداشوين گورملي قبرين گوره سن
قويمارام خوردا باجيم تك بي بي سن جان ويره سن
...........................................................
گيجه كه اولدي سحر باشلادي برنامه سيني
چوخ مرتب ايدوب اگننده اولان جامه سيني
اچدي سيلدي توزوني باغلادي عمامه سيني
ديدي زهرا قيزنا سيد ابناء بشر
گيدورم مسجده عمه گوروم الله نيلر
..................................................
اموي مسجدي بير مسجد زيبا و كبير
روز جمعه ئيدي جماعت دولي حضار كثير
دور منبرده شيوخ اموي تيره ضمير
وزراء هيئت مخصوصيله سلطان پليد
مسجدون شاه نشيننده اوتورمشدي يزيد
....................................................
ناگهان داخل اولوب مسجده فرزند نبي
جنب منبرده جلوس ايتدي شريف عربي
حيرته دوشدي هامي گورجك او والا نسبي
آچيلوب رمز و اشاره يولي هر مرد و زنه
ديديلر خارجي گلدي نيه بو انجمنه
...................................................
وقت او وقت اولدي چخوب منبره ناپاك خطيب
جيره خوار اموي خودسر و بي باك خطيب
پرده شرمي خطابيله ايدوب چاك خطيب
قيلدي تعريف اول نسل ابو سفياني
صورا هذيان دانشوب سب ايلدي مولاني
...................................................
مسجده بير ملكوتي سس اوجالدي او زمان
دوتولوب هرزه خطيبون ديلي سندي خفقان
او صدا صاحبي گفتاره گلوبدور اوجادان
اي خطيب اموي ساخلا خطابه ادبين
خلقي راضي ايليوب خالقون آلدون غضبين
....................................................
صورا يوز دوتدي يزيده ديدي اول مير كرام
اذن ويرسون منه بو تخته نون اوسته چخارام
رخصت آلدي اوتوروب عرشه منبرده امام
ذات معبوده فصاحتله ايدوب حمد و ثنا
او دانشدوقجا خانم عمه سي ايلوردي دعا
...................................................
ايها الناس اولون مطلبه آگاه بيلون
بيزه بذل ايليوب آلتي صفت الله بيلون
يدي نعمتله ويروب مرتبه و جاه بيلون
ارث دور جود و فصاحتله شهادت بيزده
واردي اخلاق و عبادتله شجاعت بيزده
................................................
قلب مومن ده اولان مهر سزاوار بيزيم
انبيا زمزه سينه سيد و سالار بيزيم
خلقتون مفخري پيغمبر مختار بيزيم
حافظ قلعه دين حيدر كرار بيزيم
حضرت حمزه بيزيم جعفر طيار بيزيم
....................................................
ليل اسرا ملكوته گيده نون اوغلي منم
ساحت اقدسه معراج ايده نون اوغلي منم
قاب قوسين فتدلا گوره نون اوغلي منم
اوكه گويلرده ايدوب راز و نياز اوغلي منم
قبله تينه او كه ايلوبدي نماز اوغلي منم
.................................................
زمزمون اوغلي منم مكه منا اوغلي منم
مشعرون اوغلي منم مروه صفا اوغلي منم
عرفات اوغلي منم غار حرا اوغلي منم
مسند عدليده داد ايلينون اوغلي منم
ايكي نيزيله جهاد ايلينون اوغلي منم
...............................................
گلشني كرب و بلاده سولانون اوغلي منم
لخته لخته گوزونه قان دولانون اوغلي منم
قانلو باشي داليدان ذبح اولانون اوغلي منم
سويولوب پيكري عريان قالانون اوغلي منم
پيكري خاكيله يكسان قالانون اوغلي منم
.................................................
حضرتون خطبه سي حضاره گتوردي هيجان
اعتراض ايلدي شام اهلي يزيده اوجادان
او زنازاده اولوب عاقبتيندن نگران
ابن مرجانه ديدي ايتدي سيزه بيدادي
قصر خضرايه ئوزيله آپاروب سجادي
................................................
معذرت ايسته دي حضرتدن او نامرد دغا
گتوروب قويدي حضور شهه بير كيسه طلا
ديدي بو سكه لري قانلاروزا ايله بها
ضمنا هر خواهشون اولسا سنه خدمتده وارام
شامده قلسوز اگر ياخچي عمارت آلارام
..............................................
ديدي سجاد گوتور بو قيزيلي ايله حيا گر
گريرون تپراقي داشلاري اولا مغز طلا
اكبرون فكر ايلمه بير تلينه قيمت اولا
خون بهاسيندن ئوزي حشريده خونخواه آلاجاق
قيمتي چوخدي آخان قانلارين الله آلاجاق
.....................................................
اوچ تمنا ايدورم بسدي قبول ايتسن اگر
آتامون قانلي باشين وير اول اي فتنه سير
قانلو لبلردن ايدوم بوسه توكوم اشگ بصر
ايكيمينجي بيزه لازمدي لياس شهدا
وطنه الده گرك تحفه آپارسون اسرا
