رد اثاث غارت
دستور ويروب شهريده سسلندي منادي
بو امريدن آگاه يليوب اهل عنادي
غارت گتورنلر هامي بيلسونله سراسر
عينا گتيروب قيمتين آلسون دو برابر
هركس نه آپارمشدي او صحرده گتوردي
بيمار آلوب گتدي خانم زينبه ويردي
ناگه گتيروب بير كيشي بير قانلي عمامه
بير كوينگيلن بوخجادا رد ايتدي امامه
گورجك اوني زينب ديدي واي قارداشيم ايواي
هجرونده حسين قانه دونوب گوز ياشيم ايواي
آلام ربابه بيري بير چاره گتوردي
بير قنداقيلان بيردانا گهواره گتوردي
بيردن هامي سسلنديله لاي لاي علي لاي لاي
ياننوخ بالا بو نسگيله لاي لاي علي لاي لاي
ايستكلي باجي قارداشا لاي لاي ديه خوشدي
زينب ديدي افسوس رقيه يري بوشدي
نوفل يتشوب قانه باتان جامه گتوردي
بير مشك و علم بير ياشيل عمامه گتوردي
كلثومه ويروبلر علمي قانلي لباسي
باشدان گنه باشلاندي ابوالفضلين عزاسي
بير كافر او دم ناقصي تكميله يتوردي
بير بوخجادا قانلي نچه ئجوت چكمه گتوردي
تقسيم ايليوبلر نچه ثكلايه يتيشدي
آخر اولارين بير جوتي ليلايه يتشدي
باسدي اولار سينه سينه ليلي نالان
سسلندي آنان السون علي هاردا قالوبسان
شامون يتشوب ظلمي تمامه گيديرم من
ويرانه ني بير عمر داخي ترك ايديرم من
زندانيمي ويرديم باشا بطحايه روانم
افسوس رقيه طرفيندن نگرانم
بير جفتده گوشواره گلوب بزمه دوباره
گورجك اولاري گلدي هامي ناله و زاره
زينب ديدي ايواي اولن اللرده رقيه
قالدي گوزل آدون هامي ديللرده رقيه
اي شام يولوندا منه محملده مصاحب
دور ياتما گل اول خرداجا گوشواروه صاحب
وفا و عهديني عمون باشا يتوردي قيزيم
مزارون اوستنه گوشواره وي گتوردي قزيم
من فلك زده ني غصه مرگ ايدر دردون
ديريلگوندا بو گوشواره ني چوخ ايستردون
.....................................................
متاسفانه شاعرش را نمي شناسم
